Oñemopyenda Guarani Ñe’ê Rerekuapavê Rerekuarakuérape

(Academia de la Lengua Guaraní) Ko arakõi 8 jasypoteÎme, 10:00 aravo jave, Congreso de la Nación amandajépe; oñemoareko ñe’ê Guarani Ñe’ê Rerekuapavê Rerekuarakuérape (Academia de Lengua y Cultura Guaraní); hembiapópe oime, ñangareko ñe’ê rehe, ojehechauka ha ojekuaauka haguã tetã pukukue. Sala Bicameral Congreso-pe, oñemopyenda oficialmente Academia de la Lengua Guaraní del Paraguay. Ojeguerohory oñeme’êvo chupekuéra peteï medalla umi 15 mbo’ehára katupyry oikéva Tetã Léi Guasu rupive; upéicha ko aty guasu orekova’erã 30 tapicha ha oñemoañete avei ko ojejeruréva ko atýpe, avei ojeguerohorye ha oñemomba’e karai ha kuñakarai heta omba’o ha oñeha’ãva Guarani ñe’êre ha oikéva ko atýpe. Tetã Paraguái ko ára guive orekóma óga guasu oñembohysýi haguã Ñe’ê guaraní ojehaívo, oñemboguatávo ha ikatúhápe mayma yvypóra oikotevêva oguahë ohechávo tysýi ha apopyrã ijeporúpe. Oñemoañete Léi 4251/10 Ñe’ê rehegua ha oomboguata ary 2012 Paraguái ñe’ê Sãmbyhyha guive (Secretaría de Políticas Lingüísticas) oîva Estado poguýpe. Karai guasu Domingo Aguilera oisãmbyhy ko ára guive Guarani Ñe’ê Rerekuapavê Rerekuarakuérape,ome’ê hi’aguyje maymávape ha umi ñe’êpapára ome’êva hembiapo jehai ha oiporavógui ko ñe’ê he’ívo hemiandu ha jerovia oîva Academia oficial guive. Ombojoajúvo iñe’ê he’i Sambyhyhára guasu oikuaauka omba’apóha mayma “Ava guarani ha ambue ñe’ênguéra oiporúva ambue parcialidad indígena tetã pukukue, ijehupytyvoirãme oime ñe’ênguéra ñemoarandu ha iñemoherakuã”.